Oh gosh darling, dat short pants looking sweet,
Ya fas' mind ya business before ah call meh husband Keith
Ha! Ya bluffing dis time ya doh know a soul,
But look at he na, ah go throw ya in dat manhole.
Girl you only fulla mouth hush and take a hike
Ah run behind him quick to lock he neck, dis is what ya like?
Oh gosh Lord help me dou dou, ah only joking,
Have to be like ya sniffing cocaine.
No I doh do dat let me go, ah really sorry,
Ah release he neck, stay right here leh me call Corporal Murray.
He fly down de road faster than Ato,
Ah shout "look police coming for ya" as ah laugh for so.
Copyright 2008 by Susan Jerome
Subscribe to:
Post Comments (Atom)
No comments:
Post a Comment